لاہور (نوائے وقت رپورٹ) لاہور میں  24 گھنٹے کے دوران 8 لڑکیوں سمیت 10 افراد کو اغواء کر  لیا گیا۔ لیاقت آباد کے علاقے سے 18 سالہ مہوش اور 17 سالہ آ منہ کو نا معلوم افراد نے اغواء کر لیا۔ کاہنہ میں جواں سالہ ملائکہ بازار سے سودا سلف لینے گئی تو راشد وغیرہ نے گن پوائنٹ پر اغواء  کر لیا۔ جوہر ٹاؤن میں شہناز کی بیٹی زنیرہ کو نامعلوم افراد‘ سندر میں کریم بخش کی بیٹی ثریا، چوہنگ میں مسرت بی بی کی بیٹی شاہین کو اغوا کرلیا گیا۔ نواب ٹاؤن میں  نعیم کی بیوی روٹیاں لینے گئی اور واپس نہ آئی، پولیس نے مقدمہ درج کرلیا۔ ہنجروال میں فوزیہ کے شوہر کو مسلح افراد اغواء کر کے لے گئے، کاہنہ کے علاقے میں اللہ رکھا کے 24 سالہ بیٹے ذہنی معذور نوجوان کو اغواء کر لیا گیا۔