اذلان شاہ ٹور نا منٹ ، 32 رکنی قومی ہاکی تربیتی کیمپ کا اعلان
لاہور ( اسپورٹس رپورٹر) پاکستان ہاکی فیڈریشن نے سلطان اذلان شاہ ہاکی کپ ملائیشیا میں شرکت کیلئے قومی ہاکی ٹیم کی تیاری کے سلسلہ میں 32 رکنی قومی ہاکی تربیتی کیمپ کا اعلان کردیا۔حالیہ چیف آف آرمی سٹاف انٹر کلب ہاکی چیمپئن شپ میں بہترین کارکردگی دکھانے والے تین کھلاڑی بھی قومی ہاکی تربیتی کیمپ میں شامل کئے گئے ہیں۔ کیمپ 25 ستمبر سے عبدالستار ایدھی ہاکی سٹیڈیم کراچی میں منعقد ہوگا۔گول کیپرز عبداللہ اشتیاق ،اکمل حسین ،وقار،عبداللہ شیخ،ڈیفینڈرز مبشر علی،رضوان علی ،محمد عبداللہ،عماد شکیل بٹ،معین شکیل،سفیان ،عبدالمنان،حماد الدین انجم،محمد عمر بھٹہ،رانا عبدالوحید،احتشام اسلم ،اعجاز احمد،اسامہ بشیر،جنید منظور،ارباز احمد،غضنفر علی،ایم مرتضی یعقوب،زاہد اللہ،فارورڈزرانا سہیل ریاض،ابوذر ،احمد ندیم،محمد شاہ زیب خان ،ارشد لیاقت ،علی مرتضی ،رومان خان،فراز،عبدالحنان شاہد،عبیداللہ بھٹو کو کیمپ میں مدعو کیا گیا ہے۔محمد سعید خان ٹیم منیجرہونگے جبکہ کوچز پینل میں سیگفرائیڈ ایکمین، ایاز محمود، محمد عثمان شیخ، عمران بٹ اور محمد علی خان اسسٹنٹ کوچ ہونگے۔ابوذرامراو ویڈیوانالسٹ، رانا نصراللہ فزیکل ٹرینر ہونگے۔سلطان اذلان شاہ ہاکی کپ ملائیشیا میں یکم تا 10 نومبر کھیلا جائیگا۔ ایونٹ میں چھ ٹیمیں شرکت کررہی ہیں جن میں میزبان ٹیم ملائشیا، پاکستان، جاپان ، کوریا، ساوتھ افریقہ اور کینیڈا شامل ہیں
