لاہور(سپیشل رپورٹر) آل پاکستان انٹربورڈز سپورٹس گیمز 2021-22 میں پاکستان بھر کے 36 تعلیمی بورڈز کی ٹیموں نے شرکت کی  ہے جن میں 3000 کھلاڑیوں نے مختلف ایونٹس میں شرکت کی۔ لاہور بورڈ نے 15 کھیلوں میں حصہ لیا تھا جن میں سے 11 ایونٹس میں جیت کر جنرل ٹرافی حاصل کر لی ہے۔ جنرل ٹرافی جیتنے پر چیئرمین ڈاکٹر مرزا حبیب علی نے ڈائریکٹر ضیا سبطین کو مبارک باد دی ہے اور  آئندہ بھی پاکستان لیول پر مختلف گیمز میں حصہ لینے کیلئے تیاری کا کہا ہے۔ اس موقع پر سیکرٹری تعلیمی بورڈ لاہور بشر ی بی بی بھی موجود تھیں۔