بلاول کی آج 33 ویں سالگرہ‘ سیلاب متاثرین سے اظہار یکجہتی کیلئے تقریبات منسوخ
اسلام آباد‘ لاہور (نمائندہ خصوصی‘ نامہ نگار) پیپلز پارٹی کے چیئرمین اور وزیر خارجہ بلاول بھٹو زرداری کی 33ویں سالگرہ آج بروز بدھ منائی جائے گی۔ تاہم پاکستان پیپلز پارٹی نے سیلاب زدگان سے اظہار یکجہتی کیلئے چیئرمین بلاول بھٹو زرداری کی سالگرہ تقریبات منسوخ کر دی ہیں۔ سیکرٹری جنرل پیپلز پارٹی سید نیئر بخاری کے اعلان کے مطابق پارٹی تنظیمیں چیئرمین بلاول بھٹو کی سالگرہ پر سیلاب زدگان سے اظہار یکجہتی کریں گے۔
