ملک بھر سے آرگنائزرکا اسلام آباد میں مظاہرہ ‘کرکٹ کا سامان نذر آتش
لاہور(سپورٹس رپورٹر)ملک بھر کے کرکٹ آرگنائزرکا اسلام آباد میں بڑا مظاہرہ،ریجن ایسوسی ایشنز کی بحالی ،رمیز راجہ کی برطرفی کامطالبہ کر دیا۔کرکٹ کا سامان بھی نظر آتش ۔ملک بھر کے ہزاروں کرکٹرز، آرگنائزر نے اسلام آباد پریس کلب کے سامنے مظاہرہ کیا جس میں چئیرمین پی سی بی سے استعفیٰ کا مطالبہ کیا گیا۔ رمیز راجہ کےخلاف نعرے بازی بھی کی گئی۔ کرکٹ آرگنائزر شکیل شیخ کا کہنا تھاکہ ہم کرکٹ کی بحالی کےلئے نکلے ہیں اور اسکی بحالی تک میدان میں رہیں گے۔ کراچی لاہور میں بھی مظاہرہ کیا جائےگا۔کرکٹ کا سامان بھی نظر آتش کیا،سابق ممبر بورڈ آف گورنرز پی سی بی محمد نعمان بٹ ،کے پی کے سے سابق ممبر گل زادہ ،کراچی سے شفیق کاظمی ،بلوچستان سے گل محمد کاکڑ ،امتیاز ابڑو،اندورون سندھ سے لالا تنویر،لاڑکانہ ریجن کے سابق صدر آغا جاوید احمد ،سکھر کے صدر نیاز احمد لاشاری ،سکھر کے سیکرٹری شفیع محمد عدنان شاہ ،دادو سے پرویز احمد چانڈیو ،جیکب آباد سے فیصل احمد ،سرفراز شیخ‘خیرپور سے نذیر و دیگر نے شرکت کی ۔
‘بہاولپور ریجن کے سابق صدر طارق سرور ،ڈیرہ غازی خان سے شاہد لغاری‘جہلم سے خورشیدبٹ‘گجرات سے عشرت علوی‘اٹک سے ملک ظہیر‘قصور سے ندیم بٹ‘ فیصل آباد سے رانا انیس‘چکوال سے شعیب بٹ‘لاہور سے حافظ شہباز‘راولپنڈی سے مبشر قصوری اور صبیح اظہر‘لیہ سے سابق صدر کامران حیدر‘مردان سے اسداللہ خان‘گوجرانوالہ سے بابا عنصر ظفر‘اسلام آباد سے ناصر اقبال‘میرپور آزاد کشمیر سے سابق صدر ناصربٹ اوردیگر نے بھی شرکت کی۔
