لاہور(سپورٹس رپورٹر)پاکستان میں برطانوی ہائی کمشنر کرسچن ٹرنر نے کہا ہے کہ انگلینڈ کی ٹیم بھی فلڈ ریلیف کیلئے عطیہ دے رہی ہے۔ 17 سال بعد انگلینڈ ٹیم کا پاکستان آنا تاریخی موقع ہے، میں ذاتی طور پر ٹیم کے دورے پر بہت پ±رجوش ہوں۔میں تین سال قبل جب آیا تھا تب سے خواہش تھی کہ انگلینڈ ٹیم پاکستان آئے، چند ماہ دونوں ملکوں کیلئے مشکل گزرے، امید ہے میچ ماحول بہتر کرے گا۔ انگلینڈ کی ٹیم بھی فلڈ ریلیف کیلئے عطیہ دے رہی ہے، ہم سب ساتھ ہیں، کرکٹ ہمارے خون میں ہے۔ اس دورے کیلئے سب نے بہت محنت کی ہے۔انہوں نے چٹکلہ چھوڑا اور کہا کہ آج کیلئے انگلینڈ کی شرٹ تیار ہے مگر نتیجہ دوسرا ہوا تو پاکستان کی شرٹ بھی ہے۔