لاہور(خصوصی نامہ نگار)سکھ مذہب کے بانی گورونانک دیو جی کے 553ویں جنم دن کی تقریبات کے حوالے سے انتظامی اجلاس چیئرمین متروکہ وقف املاک بورڈ حبیب الرحمن گیلانی کی زیر صدارت منعقد ہوا۔ دوران اجلاس6نومبر کو واہگہ کے راستے پاکستان آنے والے بھارتی سکھ شہریوں سمیت دنیا بھر سے آنے والے نانک نام لیواؤں کو ہر ممکنہ سہولیات کی فراہمی کے سلسلے میں معاملات زیر بحث آئے ،بھارت او ر دنیا بھر سے آنے والے 3ہزار سے زائد یاتری گورونانک دیو جی کی جنم تقریبات میں شرکت کریں گے۔