اسلام آباد (خبرنگارخصوصی) پاک فوج اور دہشت گردوں کے درمیان لکی مروت کے علاقے میں جھڑپ کے دوران دو دہشت مارے گئے۔ جبکہ سکیورٹی فورسز نے سوات کے علاقے چارباغ میں خفیہ اطلاعات پر آپریشن کر کے ہائی پروفائل دہشت گرد کو مار دیا۔ ہلاک ہونے والے دہشت گردوں سے سلحہ اور گولہ بارود بھی برآمد کر لیا گیا۔ پاک فوج کے شعبہ تعلقات عامہ (آئی ایس پی آر) کے مطابق پاک فوج اور دہشت گردوں کے درمیان ضلع لکی مروت میں شیخ بدین پہاڑیوں میں جھڑپ ہوئی، ہلاک ہونے والے دہشت گرد ٹارگٹ کلنگ اور سکیورٹی فورسز پر حملوں میں ملوث تھے۔ دریں اثناء سکیورٹی فورسز نے سوات کے علاقے چارباغ میں خفیہ اطلاعات پر آپریشن کیا، سکیورٹی فورسز نے ہائی پروفائل دہشت گرد کی ممکنہ موجودگی پر آپریشن کیا، آپریشن کے دوران فائرنگ کا تبادلہ ہوا جس کے نتیجے میں ایک دہشت گرد مارا گیا، ہلاک دہشت گرد سے ہتھیار اور گولیاں بھی برآمد کر لی گئیں، ہلاک دہشت گرد سکیورٹی فورسز کے خلاف دہشت گردی کی کارروائیوں میں ملوث تھا۔