کوچ سے تنازعہ، سپینش ویمن فٹبال ٹیم 15کھلاڑی مستعفی
لاہور(سپورٹس ڈیسک)سپین کی ویمن فٹبال ٹیم کی 15کھلاڑیوں نے کوچ کو ہٹانے کیلئے ایک ساتھ استعفیٰ دیدیا۔ رائل سپینش فٹبال فیڈریشن کی جانب سے کہا گیا ہے کہ قومی ٹیم کے کوچ سے کچھ تنازعات کی صورت میں 15کھلاڑیوں نے استعفیٰ دیا ہے۔
،فیڈریشن کے مطابق ایسا واقعہ فٹبال کی تاریخ میں پہلی بار ہوا ہے، کھلاڑیوں نے اپنی مستعفی ہونے کی وجہ بتاتے ہوئے کہا ہے کہ موجودہ حالت نے ان کی جذباتی کیفیت اور صحت کو نمایاں طور پر متاثر کیا ہے، کھلاڑی زخمیوں کے علاج معالجے، لاکر روم کے ماحول، ولڈا کی ٹیم کے انتخاب اور اس کے تربیتی سیشنز سے ناخوش ہیں۔ فیڈریشن اور ایسوسی ایشن دونوں کوچ کیساتھ کھڑے ہیں اور کسی بھی کھلاڑی کو قومی کوچ یا اس کی کوچنگ کے حوالے سے سوال اٹھانے نہیں دیں گے،سپینش فٹبال ایسوسی ایشن کا کہنا تھا کہ معافی مانگنے اور اپنی غلطی تسلیم کرنے تک کسی بھی کھلاڑی کو قومی ٹیم میں واپس نہیں لیا جائیگا۔
