لاہور(سپورٹس رپورٹرپاکستان کے شاہ زیب خان نے مائونٹ ایورسٹ انٹرنیشنل اوپن تائیکوانڈو چیمپئن شپ میں سونے کا تمغہ جیت لیا، انہوں نے 54کلو گرام کیروگی ایونٹ میں بھارت کے امن کمار کو شکست دی۔کٹھمنڈو میںجاری ایونٹ میں پہلے رائونڈ میں شاہ زیب نے امن کمارکیخلاف 3-7 سے کامیابی حاصل کی، دوسرے رائونڈ میں امن کمار نے شاہ زیب کو 11-12 سے ہرا کر مقابلہ برابر کر دیا، تیسرے اور فیصلہ کن رائونڈ میں شاہ زیب خان نے امن کمار کو 6-7 سے شکست دے کر پاکستان کیلئے گولڈ میڈل جیت لیا، واضح رہے کہ شاہ زیب خان نے سیمی فائنل میں بھارت کے کوشال ملہوترہ کو شکست دی تھی۔