لاہور(سپورٹس رپورٹر)پاکستان ٹیم کے بیٹنگ کوچ محمد یوسف نے کہا ہے کہ بیٹنگ میں جو خامی نظر آرہی ہے دور کرنے پر کام ہورہا ہے۔ کھلاڑی خود بھی خامی کو دور کرنا چاہتے ہیں۔ نشاندہی ہوگئی بہتری بھی آجائےگی۔ ایشیا کپ میں مڈل آرڈر نے اچھا پرفارم کیا ، ہر میچ میں سارے کھلاڑی پرفارم نہیں کرتے ایک دو کھلاڑی ہی عمدہ پرفارم کرتے ہیں۔ گیپ دیکھ کر ایکسٹرا کوور پر سوئپ کرکے رنز بنائے جارہے ہیں، امید ہے جلد بہتری آجائےگی۔بھارت کےخلاف میچ میں نواز نے کامیابی دلائی، خوشدل نے اوپر آکر اچھی بیٹنگ کی اور کامیابی ملی، ایسا نہیں ہے کہ مڈل آرڈر نے پرفارم نہیں کیا۔ شان مسعود نے گزشتہ میچ میں نمبر چار پر آکر شاندار بیٹنگ کی وہ اوپر آکر تو نہیں کھیلے، پاکستان کے ٹاپ آرڈر میں اتنے بڑے نام ہیں کہ جب وہ چلتے ہیں تو خود ہی گیم ختم کردیتے ہیں لیکن جب ٹاپ آرڈر جلد آو¿ٹ ہوجاتا ہے تو مڈل آرڈر سکور کرتا ہے جس کی مثال گذشتہ میچ میں شان مسعود کی سب کے سامنے ہے، ایسے ہی آہستہ آہستہ سب پرفارم کریں گے تو بہتری آئےگی، ہر ٹیم میں بہتری کی گنجائش ہوتی ہے۔