لاہور( سپورٹس رپورٹر)پاکستان کی سنوکر ٹیم ایشین سکس ریڈ سنوکر چیمپئن شپ اور آئی بی ایس ایف ٹیم سنوکر چیمپئن شپ میں شرکت کیلئے کوالالمپور روانہ ہوگئی۔ سنوکر چیمپئن احسن رمضان اور بابر مسیح ایونٹ میں شرکت کیلئے ملائیشیا روانہ ہوئے۔چیئرمین پاکستان بلئیرڈ اینڈ سنوکر ایسوسی ایشن عالمگیر شیخ اور ٹیم منیجر نوید کپاڈیا بھی گئے ہیں۔ایشین سکس ریڈ سنوکر چیمپئن شپ 25 تا 28 ستمبر جبکہ آئی بی ایس ایف ٹیم سنوکر چیمپئن شپ 26 ستمبر سے 9 اکتوبر تک کھیلی جائےگی۔