اسلام آباد (اپنے سٹاف رپورٹر سے) پاکستان تحریک انصاف کی سینئر نائب صدر ڈاکٹر شیریں مزاری نے کہا ہے کہ رات 9 بجے 2 کاریں آئیں اور میری گلی کے آخری کنارے پر کھڑی ہوئیں‘ ایک دوسرے سرے پر اور ایک سفید کار میرے گیٹ پر آ کر رکی۔ پی ٹی آئی کے سینٹرل میڈیا ڈیپارٹمنٹ سے جاری بیان میں  ڈاکٹر شیریں مزاری نے کہا کہ سب گاڑیاں نمبر پلیٹس کے بغیر تھیں‘ کانوں پر ڈیوائس لگائے 2 نقاب پوش افراد نے گارڈ کو بتایا کہ وہ گھر چیک کرنے آئے تھے‘ صدر نے گزرنا ہے اور پھر میرے ڈرائیو وے میں چلے گئے، ڈاکٹر شیریں مزاری  نے کہا کہ صدر کے ساتھ رابطہ ہوا انھوں نے واضح طور پر اس بات کی تردید کی‘ بہرحال جب ان سے پوچھا کہ وہ کون ہیں تو وہ بھاگ گئے۔
شیریں مزاری