لاہور(سپورٹس رپورٹر)غوث بخش رئیسانی ہاکی سٹیڈیم کوئٹہ میں کھیلے جانے والی دوسرا آل پاکستان چیف منسٹر بلوچستان ڈائمنڈ جوبلی ہاکی گولڈ کپ 22ءکا افتتاحی میچ سندھ وائٹ ٹیم اور آزاد جموں کشمیر ٹیم کے مابین کھیلا گیا جو کہ سندھ وائٹ نے 3 کے مقابلے میں 7 گول سے جیت لیا۔ دوسرا میچ سندھ کلر ٹیم اور کے پی کے ہاکی ٹیم کے مابین کھیلا گیاجوسندھ کلر نے 0-3 سے جیت لیا۔تیسرا میچ بلوچستان ٹیم اور سکردو ٹیم کے مابین کھیلا گیا۔بلوچستان ٹیم نے 0-8 سے جیت لیا۔ مہمان خصوصی چیف سیکرٹری بلوچستان عزیز عقیلی نے بال کو ہٹ لگا کر ایونٹ کا افتتاح کیا۔ انہوں نے کہا کہ ہاکی ہمارا قومی کھیل ہے انشاءاللہ اس ایونٹ سے نیا ٹیلنٹ آگے آئے گا ۔
ہمیشہ قومی کھیل ہاکی کی حوصلہ افزائی کرتے رہیں گے۔پاکستان بھر سے آئی ہوئی ٹیموں کو ہم خوش آمدید کہتے ہیں۔ انکے ہمراہ پی ایچ ایف نائب صدر سینیٹر ثناءناز جمالی‘ سیکرٹری سپورٹس بلوچستان اسحاق جمالی‘ ڈی جی سپورٹس بورڈ بلوچستان دراءبلوچ‘ٹورنامنٹ ڈائریکٹر اولمپیئن ناصر علی‘ اسسٹنٹ ٹورنامنٹ ڈائریکٹر آصف احمد خان‘رحیم درانی‘ بلوچستان ہاکی ایسوسی ایشن کے صدر امجد ستی‘ٹورنامنٹ آرگنائزنگ سیکرٹری و بلوچستان ہاکی ایسوسی ایشن کے سیکرٹری سید امین‘ اسسٹنٹ آرگنائزنگ سیکرٹری رحمان شاہ‘ٹورنامنٹ کوآرڈینیٹر‘شرافت بٹ‘ کامران صابر‘امپائر منیجر راشد محمود بٹ‘اسسٹنٹ امپائر منیجر فرید انصاری‘اصغر اعوان‘میڈیا کو آرڈینیٹر وقاص شیخ کے علاوہ بڑی تعداد میں شائقین موجود تھے۔