فیروزوالا سے ایک ہی روز میں 3 خواتین سمیت 6 افراد اغوا
فیروزوالا (نامہ نگار) اغوا کی سات وارداتوں میں 3 خواتین سمیت 6 افراد اغوا ہو گئے۔ بتایا گیا کہ لاہو روڈ کی آبادی منڈیالی میں محنت کش نوجوان حیدر گھر آرہا تھا کہ راستے میں پراسرار طور پر اغوا ہو گیا۔ اسی علاقے میں نامعلوم افراد نے عامر شہزاد کو اغوا کر کے غائب کر دیا۔ ونڈالہ دیال شاہ میں شاہد نے ساتھیوں کی مدد سے جوان لڑکی (ش) کو اغوا کر لیا۔ پیپلز کالونی فیروزوالا میں قمر اور نعیم نے ساتھیوں کی مدد سے محلے دار (ف) کو اغوا کر لیا۔ پنڈ فیروزوالا میں نامعلوم افراد نے طاہر شاہ کو اغوا کر لیا۔ کوٹ عبدالمالک میں نامعلوم افراد نے خاتون (ک) کو اغوا کر لیا۔ پولیس نے مقدمے درج کر لئے ہیں۔
اغوا
