حافظ آباد(نمائندہ خصوصی+نامہ نگار+نمائندہ نوائے وقت)  جماعت اہلسنت کے زیر اہتمام آج دس بجے دن جامعہ سعیدیہ رضویہ انوارالعلوم میں عیدمیلاد النبی ؐکے مرکزی جلوس کے حتمی انتظامات کو شکل دینے کے لئے ایک اجلاس منعقد ہوگا جس میں پیر سید فداحسین شاہ، علامہ احمد سعید سیال، صاحبزادہ سید عطاء الحسنین شاہ ، بیرسٹر سید وسیم الحسن نقوی، علامہ فیصل ندیم کیلانی، علامہ حبیب اﷲجلالی، قاری محمد اجمل ، مولانا بدرالزمان تارڑ،صاحبزادہ سید سجاد حیدر، صاحبزادہ سید برہان حیدرنقوی ، صوفی اخلاق احمد رضوی ، سمیت شہر کے علماء وخطباء شرکت کریں گے۔ مرکزی جلوس بارہ ربیع الاول کو صبح ساڑھے آٹھ بجے ونیکے چوک سے شروع ہوگا۔دریں اثنا ء تحریک منہاج القرآن کے زیر اہتمام مشعل بردار جلوس کل 27ستمبر بروزمنگل کو بعدنماز مغرب ریلوے روڈ حافظ آباد سے نکالا جائے گا۔جو شہرکی مختلف شاہرائوں سے ہوتا ہوا فوارہ چوک پر اختتام پزیر ہوگا۔