لاہور(سپورٹس رپورٹر)پاکستان کرکٹ ٹیم کے آل راو¿نڈر محمد نوازنے کہا ہے کہ کوشش ہے تاریخی سیریز اپنے نام کریں، کراچی کے بعد لاہور میں بھی سنسنی خیز میچز ہوں گے۔انہوںنے کہاکہ کراچی کی طرح لاہور میں بھی سنسنی خیز میچز ہوں گے، کوشش ہے کہ تاریخی سیریز اپنے نام کریں، کراچی میں آخری میچ جیتنے کے بعد کھلاڑیوں کا مورال بلند ہے، بیٹنگ اور باﺅلنگ میں کھلاڑیوں نے فائٹ کیا، اسی سپرٹ کو برقرار رکھیں گے، توقع یہی ہے کہ آج کا میچ جیتیں اور پھر چھٹا میچ بھی جیت کر سیریز اپنے نام کریں۔بارش کی وجہ سے میچ سے قبل ٹریننگ سیشن سیشن کا نہ ہونا یہ کوئی بڑی بات نہیں، ہوم گراو¿نڈ کنڈیشنز کا اندازہ ہے۔ لاہور میں بھی ہاو¿س فل ہو گا۔پروفیشنل کرکٹرز ہیں، کنڈیشنز کے مطابق فوری خود کو ڈھالنا پڑتا ہے، نیوزی لینڈ اور آسٹریلیا میں کنڈیشنز ایشیا سے مختلف ہوتی ہیں، ٹی ٹونٹی ورلڈ کپ سے قبل نیوزی لینڈ میں کھیلنے کا فائدہ ہو گا کیونکہ نیوزی لینڈ اور آسٹریلیا کی کنڈیشنز ملتی جلتی ہیں۔ کسی بھی نمبر پر بھیجے خود کو تیار رکھتا ہوں، اوپر کے نمبروں پر کھیلنا میرے لیے کوئی نئی چیز نہیں ۔ کوشش ہوتی ہے زیادہ سے زیادہ ڈاٹ بالز کروں، خود کو دنیا کا بہترین آل راو¿نڈر منواو¿ں ٹارگٹ اور ٹیم کیلئے زیادہ سے زیادہ اچھا کروں۔