چکلالہ کرکٹ گراؤنڈ کا افتتاح ، نوجوانوں کو کھیلوں کی جدید سہولتیں ملیں گی : آرمی چیف
اسلام آباد (خصوصی نامہ نگار) آرمی چیف جنرل قمر جاوید باجوہ نے نئے تعمیر شدہ 501 سینٹرل ورکشاپ چکلالہ کرکٹ گراؤنڈ کا افتتاح کردیا۔ آئی ایس پی آر کے مطابق آرمی چیف جنرل قمر جاوید باجوہ نے افتتاح کیا، کرکٹ گراؤنڈ کو کرکٹ شائقین بالخصوص جڑواں شہروں کے نوجوانوں کو جدید ترین کھیلوں کی سہولیات فراہم کرنے کیلئے اپ گریڈ کیا گیا ہے۔ کرکٹ کے فروغ اور صحت مندانہ سرگرمیوں کا ماحول فراہم کرنے کے لیے سپورٹس گراؤنڈ راولپنڈی اور اسلام آباد کے طلباء اور کرکٹ کلبز کیلئے دستیاب رہے گا۔ چیف آف آرمی سٹاف نے گراؤنڈ کی تزئین و آرائش اور کرکٹ کی بہترین سہولیات فراہم کرنے پر راولپنڈی کور کی کوششوں کو سراہا۔
