اینٹی کرپشن پنجاب نے 50 کروڑ سے کم نیب کیسز کی تحقیقات کا فیصلہ کر لیا
لاہور (خبر نگار) اینٹی کرپشن پنجاب نے احتساب عدالتوں سے نیب کو واپس بھیجے جانے والے 50 کروڑ سے کم کرپشن کے نیب کیسز کی تحقیقات کا فیصلہ کیا ہے۔ نیب میں جاری پچاس کروڑ سے نیچے والے تمام سیاسی افراد کے ریفرنسز اور محکموں کے کیسز کی تحقیقات اب اینٹی کرپشن پنجاب کرے گا۔ ذرائع کے مطابق اینٹی کرپشن پنجاب کی جانب سے قومی احتساب بیورو (نیب لاہور) کو خط لکھا جائے گا اور 50 کروڑ سے نیچے والے تمام کیسز کی تفصیلات مانگی جائیں گی۔ چیئرمین پی ٹی آئی عمران خان اور وزیراعلی پرویز الٰہی کی منظوری کے بعد اینٹی کرپشن پنجاب کی جانب سے خط لکھا جا رہا ہے۔
اینٹی کرپشن پنجاب
