لاہور(سپورٹس رپورٹر)7 میچز پر مشتمل ٹی ٹونٹی سیریز کے چھٹے میچ میں انگلینڈ نے پاکستان کو 8 وکٹوں سے شکست دے کر سیریز 3-3 سے برابر کردی۔قذافی سٹیڈیم لاہور میں کھیلے گئے میچ میں انگلینڈ کے کپتان معین علی نے ٹاس جیت کر پاکستان کو پہلے بیٹنگ کی دعوت دی۔پاکستان نے مقررہ 20 اوورز میں6 وکٹوں پر 169رنز بنائے، بابر اعظم 87 رنز بناکر نمایاں رہے۔ انگلینڈ کے خلاف پاکستان کا آغاز اتنا اچھا نہ رہا، ٹی ٹونٹی ڈیبیو کرنے والے محمد حارث 7 اور نئے آنے والے بیٹر شان مسعود صفر پر آؤٹ ہوگئے۔پاکستان کو تیسرا نقصان حیدر علی کی صورت میں اٹھانا پڑا، وہ 14 رنز بناکر پویلین لوٹے جبکہ افتخار احمد 31 رنز بناکر آؤٹ ہوئے۔آصف علی 9 اور محمد نواز 12 رنز بناسکے۔ ڈیوڈ ولی اور سام کْرن نے 2،2 وکٹیں حاصل کیں۔انگلینڈ نے ہدف 2وکٹوں پر 14.3اوورز میں170رنز بناکر پورا کرلیا ۔ فل سالٹ 41گیندوں پر 88رنز بناکر ناقابل شکست رہے ۔ انہوں نے تین چھکے اور تیرہ چوکے لگائے ۔ الیکس ہیلز ستائیس اور ڈیوڈ میلان چھبیس رنز بناکر آئوٹ ہوئے  ۔بین ڈکٹ چھبیس رنز پر ناٹ آئوٹ رہے ۔ شاداب خان نے دو کھلاڑیوں کو آئوٹ کیا ۔ فل سالٹ کو میچ کا بہترین کھلاڑی قرار دیا گیا ۔ سیریز کا فیصلہ کن میچ کل کھیلا جائیگا۔