اسلام آباد (خصوصی نامہ نگار) آئی ایس پی آر کے مطابق افغانستان سے ضلع کرم میں دہشت گردوں نے پاکستانی فوجیوں پر فائرنگ کی۔ دہشت گردوں نے فائرنگ کرم ایجنسی کے علاقے خار لاچی میں کی۔ دہشتگردوں  کی فائرنگ سے پاک فوج کا جوان شہید ہو گیا۔ پاک فوج کی جانب سے مؤثر کارروائی کی گئی۔ اطلاعات کے مطابق دہشت گردوں کا بھاری نقصان ہوا۔ شہید ہونے والے 27 سالہ سپاہی جمشید کا تعلق چنیوٹ سے تھا۔ آئی ایس پی آر نے کہا ہے کہ افغان سرزمین پاکستان کیخلاف استعمال ہونے کی مذمت کرتے ہیں۔ امید ہے افغان حکومت پاکستان کیخلاف اپنی سرزمین کے استعمال کو روکے گی۔