لاہور(سپورٹس ڈیسک )فاسٹ باﺅلر محمد سراج کو جسپریت بمرا کی جگہ بھارتی کرکٹ ٹیم کے سکواڈ میں شامل کرلیا گیا۔28 سالہ محمد سراج کو جنوبی افریقا کےخلاف جاری ٹی ٹونٹی سیریز کےلئے سکواڈ میں شامل کیا گیا ہے۔ فاسٹ باﺅلر محمد سراج اب تک 5 ٹی ٹونٹی انٹرنیشنل میچز کھیل چکے ہیں جن میں انہوں نے 5 وکٹیں حاصل کی ہیں۔ جسپریت بمرا بیک سٹریس فریکچر کا شکار ہیں، جس کے بعد وہ ٹی ٹونٹی ورلڈ کپ میں شرکت نہیں کرسکیں گے۔
 نیشنل ویمنز باسکٹ بال چیمپئن شپ3اکتوبر سے شروع ہوگی 
لاہور(سپورٹس رپورٹر)وفاقی وزیر بین الصوبائی رابطہ احسان الرحمن مزاری 3اکتوبر سے شروع ہونیوالی نیشنل ویمنز باسکٹ بال چیمپئن شپ کا افتتاح کرینگے۔ پول راو¿نڈ کے تحت آٹھ اکتوبر تک پاکستان سپورٹس کمپلیکس اسلام آباد میں کھیلی جانیوالی پانچ روزہ چیمپئن شپ کے کامیاب انعقاد کےلئے تمام انتظامات مکمل کر لئے گئے ہیں، ایونٹ میں شریک 8ٹیموں کو دو پولز میں تقسیم کیا گیا ہے۔ 

پول “اے “ میں دفاعی چیمپئن واپڈا ، کراچی، راولپنڈی اور کوئٹہ جبکہ پول “بی” میں آرمی ،لاہور ،اسلام آباد اور پشاور کی ٹیمیں شامل ہیں۔ چیمپئن شپ کی افتتاحی تقریب کے مہمان خصوصی وفاقی وزیر بین الصوبائی رابطہ احسان مزاری ہونگے جبکہ پاکستان سپورٹس بورڈ کے ڈائریکٹر جنرل کرنل ر آصف نواز سمیت دیگر شخصیات بھی شرکت کریں گی۔ واپڈا چیمپئن شپ میں اپنے اعزاز کا دفاع کرے گی جبکہ3اکتوبر سے 8اکتوبر تک کھیلی جانیوالی چیمپئن شپ میں روزانہ چار میچز کھیلیں جائینگے۔
 افتتاحی روز اسلام آباد اور لاہور، واپڈا اور کوئٹہ ، آرمی اور پشاور ، کراچی اور راولپنڈی کی ٹیمیں مد مقابل ہونگی۔ سیمی فائنل راو¿نڈ 6اکتوبرجبکہ فائنل 7التوبر کو کھیلا جائے گا۔