شیخوپورہ (نمائندہ نوائے وقت) شیخوپورہ چمبر آف کامرس اینڈ انڈسٹری کے سالانہ جنرل اجلاس میں سال 2023 کیلئے نئے عہدیداروں کا انتخاب کرلیا گیا۔ طارق اقبال صدر، خالد زمان سینئر نائب صدر، شیخ عظیم نائب صدر بن گئے، نومنتخب عہدیداروں کا اعلان الیکشن کمیٹی میاں فاروق، چوہدری عارف اور مزین منظور نے کیا۔ اس موقع پر نومنتخب صدر طارق اقبال نے کہا کہ تین سال سے ملکی معشیت مختلف بحرانوں کا شکار ہے۔ جس کی بڑی وجہ کووڈ 19، ڈالر کے مقابلہ میں رو پے کی گرتی ہوئی قدر، بجلی گیس اور پیٹرول کے نرخوں میں بے تحاشا اضافہ ہے، بند صنعتوں کی بحالی کیلئے حکومت سے مذاکرات کئے جائیں گے۔ چیئرمین چیمبرز آف کامرس اینڈ انڈسٹریز منظور الحق، سابق صدر امجد نذیر ، ملک اسلم بلوچ، سابق نائب صدر لالہ عبدالوحید، مبشر حسن، رانا عثمان ، اقبال شاکر، عبدالحمید، شیخ امتیاز ، حاجی امانت ، وسیم عباس، معظم رضوی، سلطان حمید راہی، رانا اکرم ، عالم، امجد سلطانی، میاں شہباز، میاں خرم، خالد سلطان، سیف الرحمن سیفی،شیخ احسان و دیگر نے نومنتخب عہدیداروں کو مبارکباد دیتے ہوئے ان کیلئے نیک خواہشات کا اظہار کیا۔
شیخوپورہ چیمبر