لاہور(سپورٹس رپورٹر)پاکستان ہاکی ٹیم کے بین الاقوامی کوچ سیگفرائیڈ ایکمین پاکستان پہنچ گئے،پی ایچ ایف سیکرٹری جنرل حیدر حسین نے جناح ایئرپورٹ کراچی میں کوچ سیگفرائیڈ ایکمین کا استقبال کیا۔قومی ٹیم کوچ سیگفرائیڈ ایکمین عبدالستار ایدھی ہاکی سٹیڈیم کراچی میں جاری سلطان اذلان شاہ ہاکی کپ ملائشیا کیلئے پی ایچ ایف کے زیر اہتمام لگائے جانے والے سینئر ہاکی ٹیم کیمپ کا حصہ بنیں گے اور بین الاقوامی معیار کے مطابق کھلاڑیوں کو ٹریننگ دیں گے۔سلطان اذلان شاہ ہاکی کپ ملائشیا میں یکم تا 10 نومبر کھیلا جائیگا۔