لاہور(سپورٹس رپورٹر)ہمیں نوجوان نسل کو کھیلوں کے ذریعے صحتمندانہ سر گرمیوں کی جانب راغب کرنا ہوگا ،نوجوانوں میںمنشیات کے استعمال اور منفی رجحانات کی روک تھام کیلئے کھیلوں کے میدان آباد کرنا ہوں گے اور اس کیلئے ہمارا ادارہ ہر طرح کی معاونت فراہم کررہا ہے۔ ان خیالات کا اظہار ایلی گینٹ ڈیزائن اینڈ کنسٹرکشن کے چیف ایگزیکٹو آفیسر سہیل احمد نے تعلیمی اداروں کے طلبہ میں کھیلوں کے سامان اور کٹس کی فراہمی کے سلسلہ میں منعقدہ تقریب سے خطاب کرتے ہوئے کیا۔ روٹس کالج کے طلباء  و طالبات کو کھیلوں کا سامان اور کٹس مہیا کی گئیں۔