لاہور(سپورٹس رپورٹر)پاکستان باسکٹ بال فیڈریشن کے زیر اہتمام نیشنل ویمنز باسکٹ بال چیمپئن شپ کا آغاز آج سے ہوگا ، وفاقی وزیر بین الصوبائی رابطہ احسان الرحمن مزاری افتتاح کرینگے۔
 ایونٹ میں شریک 8ٹیموں کو دو پولز میں تقسیم کیا گیا ہے ۔ پول ‘‘اے ‘‘ میں واپڈا ، کراچی، راولپنڈی اور کوئٹہ جبکہ پول ‘‘بی’’ میں آرمی ،لاہور ،اسلام آباد اور پشاور کی ٹیمیں شامل ہیں ۔ افتتاحی میچ اسلام آباد اور لاہور کی ٹیموں کے مابین کھیلا جایگا جبکہ پہلے دن واپڈا اور کوئٹہ ، آرمی اور پشاور ، کراچی اور راولپنڈی کی ٹیمیں مد مقابل ہونگی ۔سیمی فائنل راؤنڈ 6اکتوبرجبکہ فائنل 7اکتوبر کو کھیلا جائیگا۔