لاہور(سپورٹس رپورٹر)کوئٹہ میں جاری دوسرا آل پاکستان چیف منسٹر بلوچستان ہاکی گولڈ کپ کے فائنل کیلئے پنجاب کلر اور سندھ کلر نے کوالیفائی کرلیا۔پہلا سیمی پنجاب کلر اور پنجاب وائٹ کے مابین کھیلا گیا۔ پنجاب کلر کی جانب سے محمد احمد نے تین گول کی ہیٹ ٹرک‘ احسن نے ایک گول کیا۔ پنجاب وائٹ کی جانب سے واحد گول بلال اسلم نے کیا ۔دوسرا سیمی فائنل سندھ کلر اور بلوچستان کلر کے مابین کھیلا گیا جو کہ سڈن ڈیتھ کے ذریعے سندھ کلر نے بلوچستان کلر کو 1-2 سے شکست دیکر فائنل کیلئے کوالیفائی کرلیا۔ مقررہ وقت تک دونوں ٹیموں کا مقابلہ دو دو گول سے برابر رہا‘ پینلٹی شوٹ آؤٹ بھی تین تین گول سے برابر رہا‘ سڈن ڈیتھ کے ذریعے سندھ کلر نے بلوچستان کلر کو 1-2 سے شکست دیدی۔ سندھ کلر نے بلوچستان کلر کو چھ کے مقابلے میں سات گول سے شکست دیدی۔ مقررہ وقت تک سندھ کلر کی جانب سے خرم اور ارسلان حیدر نے ایک ایک گول کیا جبکہ بلوچستان کلر کی جانب سے عمران‘منور نے ایک ایک گول کیا۔سندھ کلر کے خرم نے سڈن ڈیتھ کے دوران گول کرکے سندھ کلر کو فتح سے ہمکنار کیا۔