لاہور‘ کاہنہ (نامہ نگاران) لاہور میں ڈاکوئوں اور چوروں نے متعدد شہریوں سے لاکھوں روپے، زیورات، موبائل فون، گاڑیاں، موٹر سائیکلیں اور دیگر سامان لوٹ لیا ہے۔ ڈاکوؤں نے نصیر آباد میں منصور کے گھر میں گھس کر اہلخانہ کو گن پوائنٹ یرغمال بنا کر5 لاکھ 54 ہزار‘ زیورات، موبائل فون اور دیگر سامان، ستوکتلہ  میں سجاد اور اس کی فیملی سے3لاکھ 30 ہزار‘ زیورات اور موبائل فون، ہنجروال میں رب نواز سے گن پوائنٹ پر 90 ہزار اور موبائل فون، مصطفیٰ ٹاؤن میں مناہل سے 40 ہزار اور موبائل فون، شفیق آباد میں جہانگیر سے 35 ہزار اور موبائل فون، گجر پورہ میںمنیر سے 25 ہزار اور موبائل فون، مزنگ میں پرویز سے21 ہزار اور موبائل فون، نصیرآباد میں قدیر سے 15 ہزار اور موبائل فون، سمن آباد میں فرقان سے8ہزار اور موبائل فون لوٹ لیا۔ چوروں نے ڈیفنس میںشاہنواز کے گھر میں الماری کے تالے توڑ کر 7 لاکھ‘ زیورات اور پرائز بانڈ ز‘ نواب ٹاؤن،گارڈن ٹاؤن اور ہربنس پورہ سے 3 کاریں، وحدت کالونی سے رکشہ جبکہ یکی گیٹ، مزنگ، ہنجروال، ماڈل ٹاؤن، ریس کورس، گلشن اقبال، شفیق آباد، مصری شاہ اور گلبرگ سے 9 موٹر سائیکلیں چوری کر لیں۔سنڑل پارک کا رہائشی جاوید گھر جا رہا تھا کہ فیروزپور روڈ سنڑل پارک گیٹ کے سامنے 3 مسلح ڈاکوؤں نے روک لیا اور گن پوائنٹ پر 2لاکھ 50 ہزار روپے لوٹ لئے۔ فیروزپور روڈ پرانا کاہنہ میں 3 ڈاکو طاہر سینٹری سٹور میں گھس آئے اور گن پوائنٹ پر دکاندار ندیم سے 82 ہزار اور تین موبائل فون لوٹ کر فرار ہوگئے۔
ڈاکے