گوجرانوالہ (نمائندہ خصوصی) بھکاری کو شہریوں نے بچہ اغواء کرنے کے شبہ پر تشدد کا نشانہ بنا ڈالا۔ چھچھر والی کا  بھکاری علی رضا صدائیں لگا رہا تھا  محلے داروں نے  اس کی تھپڑوں اور مکوں سے درگت بنا ڈالی۔ پولیس نے  معاملہ کی تصدیق کی تو انہیں کوئی شواہد نہ ملے۔ پولیس نے تشدد کرنے والے 9 افراد ندیم، نعیم، خورشید، طارق، اصغر، تہذیب، رحمان، نعمان اور شہزادکو حراست میں لے کر تھانے منتقل کر کے مقدمہ درج کر لیا۔