لاہور(سپورٹس رپورٹر)آئی سی سی نے ٹی ٹونٹی پلیئرز کی نئی رینکنگ جاری کر دی ہے جس کے مطابق بیٹرز میں پاکستان کے وکٹ کیپر بیٹر محمد رضوان کی پہلی پوزیشن برقرار ہے جبکہ بھارت کے سوریا کمار یادیو کا رینکنگ میں دوسرا نمبر ہے۔پاکستان ٹیم کے کپتان بابر اعظم رینکنگ میں تیسرے نمبر پر برقرار ہیں جبکہ جنوبی افریقہ کے کوئنٹن ڈی کوک 6 درجے بہتری کے بعد 12 ویں نمبر پر آگئے ہیں۔بائولرز کی رینکنگ میں آسٹریلیا کے جوش ہیزل ووڈ کا پہلا نمبر برقرار ہے جبکہ افغانستان کے راشد خان رینکنگ میں دوسری پوزیشن پر آگئے ہیں۔سری لنکا کے ونندو ہسارنگا تیسرے اور آسٹریلیا کے ایڈم زمپا چوتھے نمبر پر آگئے ہیں۔ جنوبی افریقہ کے تبریز شمسی رینکنگ میں پانچویں نمبر پر چلے گئے ہیں۔ٹاپ ٹین بائولرز میں کوئی پاکستانی شامل نہیں ۔