فیروزوالہ( نامہ نگار) ڈکیتی ،چورکی متعدد وارداتوں میں ڈاکو کی لوٹ مار‘  3 افراد کو تشدد کا نشانہ بنایا۔ موٹروے سٹی کے قریب ڈاکو گن پوائنٹ علی محمد سے 5 لاکھ روپے کی رقم چھین کر لے گئے۔ شاہدرہ چوک کے قریب دن دیہاڑے ڈاکو شیخوپورہ کے محمد ندیم بھٹی سے ساڑھے چار لاکھ روپے چھین کر لے گئے۔ جھامکے کے قریب 2 موٹر سائیکل سوار ڈاکو سیلز مین زاہد علی سے 6 لاکھ روپے چھین کر فرار ہوگئے۔ چونگی سٹاپ کے قریب 3 ڈاکوؤں نے متعدد راہگیروں کو لوٹ لیا‘ شاہد محمود‘ مرید عباس اور صفدر وغیرہ سے ہزاروں روپے اور موبائل فونز وغیرہ لوٹ کر فرار ہوگئے۔ بلیاں والا کے قریب ڈاکو گن پوائنٹ پر موٹر سائیکل سوار ندیم احمدسے 11لاکھ روپے کی رقم اور موبائل چھین کر لے گئے۔ شاہدرہ نہر کے قریب ڈاکو اکبرعلی سے موٹرسائیکل‘ نقدی چھین کر لے گئے۔ کوٹ عبدالمالک میں ڈاکوں نے بلال احمد سے 70 ہزار روپے اور موٹر سائیکل چھین لی۔ فیض پور کے قریب ڈاکوؤں نے گن پوائنٹ پر نوجوان سے موٹرسائیکل اور 30 ہزار روپے کی رقم چھین لی۔ ڈاکوؤں نے موبائل شاپ میں داخل ہوکر مالک اور گاہکوں سے گن پوائنٹ پر ہزاروں روپے اور موبائل فون چھین کر لے گئے، ڈاکو مختلف علاقوں سے چار موٹر سائیکل چھین کر لے گئے۔