لاہور(سپورٹس رپورٹر)ویمن باسکٹ بال چیمپئن شپ کا ٹائٹل واپڈا نے جیت لیا، فائنل میں آرمی کو 29 کے مقابلے میں 49 پوائنٹس سے شکست ہوگئی۔اسلام آباد کے سپورٹس کمپلیکس میں کھیلی گئی قومی ویمن باسکٹ بال چیمپئن شپ کا فائنل واپڈا اور آرمی کے درمیان تھا، جس میں واپڈا کی کھلاڑیوں نے عمدہ کھیل پیش کرتے ہوئے کامیابی سمیٹی۔اْنہوں نے حریف کو 29-49 کے سکور سے ہرایا، فاتح ٹیم کی سحرش نواز نے 14 اور سدرہ حاکم نے 12 پوائنٹس سکور کیے۔اس سے قبل تیسری پوزیشن کے میچ میں اسلام آباد بلیوز نے کراچی کو مات دی۔