جوہانسبرگ (این این آئی) جنوبی افریقی کرکٹر اور پاکستان جونیئرلیگ میں بہاولپور رائلز کے مینٹور عمران طاہر نے کہا ہے کہ پاکستان کے مڈل آرڈر میں کمی دکھائی دی اور امید ہے پاکستان ٹیم خامیوں پر کام کر رہی ہوگی۔ پاکستان ایک مسٹری ٹیم ہے، ورلڈکپ جیسے ایونٹس میں پاکستان ٹیم اچھا کھیلتی ہے، آئی سی سی ٹی ٹونٹی ورلڈکپ میں پاکستان اور جنوبی افریقہ کے درمیان اچھا میچ ہوگا۔ بابراعظم کو میں ہمیشہ دنیا کا بہترین بیٹر مانتا ہوں، پاکستان کے فاسٹ بائولرز اور سپنرز اچھے ہیں، بابر اعظم اور محمد رضوان قابل اعتماد ہیں تاہم مڈل آرڈر میں کمی دکھائی دی، امید ہے پاکستان ٹیم خامیوں پر کام کر رہی ہوگی۔مجھے آغاز میں بڑی محرومیوں کا سامنا کرنا پڑا ، کوئی سکھانے والا نہیں تھا، چاہتا ہوں آج کے نوجوان کو محرومیوں کو سامنا نہ کرنا پڑے۔ راشد خان اور عادل رشید کہیں بھی ہوں خود ان کے پاس جا کر بات کرتا ہوں، ارحم نواب اچھا سپنر ہے اسے بتایا کہ ٹی ٹونٹی میں کیسے کامیاب ہونا ہے، ارحم نواب آگے چل کر کامیاب ہوگا۔