مہنگائی مزید 30 فیصد بڑھ گئی ، آڈیو ویڈیو سائفر غریب کا مسئلہ نہیں: شیخ رشید
راولپنڈی (اپنے سٹاف رپورٹر سے) عوامی مسلم لیگ کے سربراہ شیخ رشید احمد نے کہا ہے کہ مہنگائی مزید 30 فیصد بڑھ گئی ہے آڈیو ویڈیو سائفر غریب کا مسئلہ نہیں لال حویلی سے جاری بیان میں انہوں نے کہا کہ امید ہے 10 اکتوبر کو لانگ مارچ کی تاریخ کا بگل بج جائے گا پھر راج کرے گی خلق خدا. شیخ رشید احمد نے کہا کہ سیاست کا تنائو اور ٹکراؤ کسی طرف جا سکتا ہے حکومت ضمنی الیکشن سے بھاگ رہی ہے سائفر حقیقت تھا اس لئے قومی سلامتی کمیٹی کی میٹنگ میں لایا گیا۔
