لاہور(سپورٹس رپورٹر)ملائیشیا میں جاری 72 ورلڈ ٹیم سنوکر چیمپئن شپ میں پاکستان نے سیمی فائنل کیلئے کوالیفائی کرلیا۔ پاکستان نے کوارٹر فائنل میں بھارت کو چار دو سے شکست دے کر سیمی فائنل میں جگہ بنائی۔فائنل فور میں جگہ بناکر پاکستان نے ایونٹ میں میڈل یقینی کرلیا ۔پاکستان کی جانب سے بابر مسیح اور احسن رمضان پر مشتمل ٹیم نے لکشمن رووٹ اور کمل چاولہ پر مشتمل ٹیم کو ہرایا۔احسن رمضان نے دونوں سنگلز جیتے، بابر کو ایک سنگل میں کامیابی حاصل ہوئی جبکہ ایک میں شکست ہوئی۔دو ڈبلز میں سے ایک پاکستان اور ایک بھارت جیتا،احسن رمضان نے کمل چاولہ کے خلاف 54 کا بریک بھی کھیلا۔