وزیر اعظم آج2 روزہ دورہ پر قازقستان روانہ ہونگے
اسلام آباد(آئی این پی ) وزیر اعظم شہباز شریف آج بدھ کو قازقستان کے 2 روزہ دورے پر روانہ ہوں گے۔ وزیر اعظم شہباز شریف آج بدھ سے 13 اکتوبر جمعرات کو قازقستان کا دورہ کریں گے اور وہ آستانہ میں سیکا سربراہی اجلاس میں شرکت کریں گے۔ کابینہ کے ارکان اور اعلی حکام پر مشتمل وفد وزیر اعظم شہباز شریف کے ہمراہ ہو گا۔ وزیر اعظم شہبازشریف جمعرات کو سربراہی اجلاس سے خطاب کریں گے اور وہ مشترکہ چیلنجز سے نمٹنے کے لیے سیکا کی اہمیت کو واضح کریں گے۔ شہباز شریف علاقائی اور عالمی مسائل پر پاکستان کے نقطہ نظر کو اجاگر کریں گے اور مختلف سیکا رکن ممالک کے رہنماں کے ساتھ دو طرفہ ملاقاتیں کریں گے۔
