لاہور(سپورٹس رپورٹر)قومی ٹیم کے مڈل آرڈر بیٹر افتخار احمد نے تسلیم کیا ہے کہ پاکستان ٹیم نیوز ی لینڈ کےخلاف برا کھیلی، نیوزی لینڈ کےخلاف میچ میں ہماری بیڈ لک رہی، حقیقت ہے تینوں شعبوں میں برا کھیلے، ہمارے لیے برا دن رہا، ہم بیٹنگ ، باﺅلنگ اور فیلڈنگ میں اچھا نہیں کر سکے۔ جب بیٹنگ کر رہے تھے توگیند پھنس کر آرہی تھی اور سپن بھی ہو رہا تھا لیکن پروفیشنل کی حیثیت سے ہمیں کوئی معذرت پیش نہیں کرنی چاہیے۔مل بیٹھیں گے اور اس سے اچھا کرنے کا پلان کریں گے، آئندہ میچز میں بہتر کھیلیں گے اور جیتیں گے۔ بابر اعظم اور محمد رضوان اچھا کھیل رہے ہیں، مڈل میں سٹرائیک ریٹ بہتر کرنا ہے، مڈل اوورز میں ہمارا سٹرائیک ریٹ کم ہے۔

، ہم اس کے اوپر مزید کام کریں گے۔ ہم زیادہ سے زیادہ باﺅنڈریز ماریں گے تاکہ ہمارا ٹوٹل زیادہ ہو کیونکہ ہمارے پاس نمبر ون باﺅلنگ ہے اس لیے ہم ٹوٹل کا دفاع کر سکتے ہیں۔