55سالہ شخص کی نعش برآمد
لاہور(نامہ نگار) گلشن راوی کے علاقے مون مارکیٹ کے قریب واقع پارک مےں سے 55 سالہ نامعلوم شخص کی نعش ملی ہے جس کی تاحال شناخت نہےں ہو سکی ہے۔
ہیروئن دبئی سمگل کرنے کی کوشش ناکام
لاہور (نامہ نگار )اے ایس ایف نے لاہور ایئرپورٹ سے ساڑھے 21کلو ہیروئن دبئی سمگل کرنے کی کوشش ناکام بناتے ہوئے ملزم کو گرفتار کر لیا ہے۔اے ایس ایف کے ترجمان کے مطابق دبئی جانے کےلئے لاہور کے علامہ اقبال انٹرنیشنل ایئر پورٹ پر پہنچنے والے مسافر محمد رمضان نے ہیروئن ٹرالی بیگ کی تہہ میں چھپا رکھی تھی۔
عملے نے سامان کی تلاشی کے دوران پیشہ ورانہ مہارت کا مظاہرہ کرتے ہوئے 21کلو 530 گرام آئس ہیروئن برآمد کر کے سمگلنگ کی کوشش ناکام بنا دی۔ملزم کو ابتدائی تفتیش کے بعد برآمد شدہ منشیات سمیت مزید قانونی کارروائی کیلئے اے این ایف حکام کے حوالے کر دیا گیا ہے
