لاہور (نامہ نگار)سی ٹی او لاہور منتظر مہدی نے شہر میں انٹرنیشنل کرکٹ میچز سمیت میگا ایونٹس کے دوران بہترین ڈیوٹی سرانجام دینے پر ٹریفک اہلکاروں کیلئے مناواں پولیس لائن میں بڑے کھانے کا اہتمام کیا۔سی ٹی او لاہور منتظر مہدی نے بطور مہمان خصوصی جبکہ ایس پی صدر آصف صدیق، ایس پی شہزاد خان،تمام سرکل افسران سمیت وارڈنز کی بڑی تعداد نے شرکت کی۔ایس پی آصف صدیق، ایس پی شہزاد خان نے بھی اپنے تاثرات کا اظہار کیا۔سی ٹی او منتظر مہدی نے کہا کہ ٹریفک پولیس نے تمام ایونٹس میں بہترین فرائض سرانجام دیئے۔
گرمی سردی، دھوپ چھاو¿ں کی پرواہ کئے بغیر فرائض سرانجام دینا قابلِ ستائش ہے۔ٹریفک پولیس نے ہمیشہ نیک نیتی، ایمانداری اور بہادری سے فرائض سرانجام دئیے۔تمام الائیڈ محکموں، ایجنسیز نے ٹریفک وارڈنز کی کارکردگی کوسراہاہے۔تقریب میں ریٹائرڈ ہونے والے انسپکٹر عبداللہ اور کانسٹیبل محمد ریاض کو بھی مدعو کیا گیا تھا۔سی ٹی او لاہور نے ریٹائرڈ ہونے والے اہلکاروں کو اعزازی شیلڈ اور گلدستے پیش کئے۔