لاہور(سپورٹس رپورٹر)پاکستان کرکٹ بورڈنے ویسٹ انڈیز کرکٹ بورڈ کو تجویز دی ہے کہ تین ٹی ٹونٹی میچز 2023 کے بجائے 2024 میں کھیل لیے جائیں۔ 2023ءمیں ففٹی اوور کرکٹ ورلڈ کپ اور ایشیا کپ شیڈول ہے۔ سال دو ہزار چوبیس میں ٹی ٹونٹی ورلڈکپ شیڈول ہے۔ ہم چاہتے ہیں کہ سیریز 2024 میں ہو تاکہ ٹی ٹونٹی ورلڈکپ کی تیاری میں مدد ملے۔ سیریز آگے بڑھانے سے کھلاڑیوں کو آرام بھی مل سکے گا۔

 اس دوران کھلاڑی پی ایس ایل سیزن 8 کیلئے بھی دستیاب ہونگے۔ ابھی تک ویسٹ انڈیز کرکٹ کی جانب سے جواب موصول نہیں ہوا۔ پاکستان اور ویسٹ انڈیز کے درمیان 3 میچوں پر مشتمل ٹی ٹونٹی سیریز آئندہ سال جنوری میں شیڈول ہے۔ ویسٹ انڈیز نے سال دو ہزار چوبیس میں 3 ٹیسٹ میچز کھیلنے پاکستان آنا ہے۔