اذلان شاہ ہاکی ٹورنامنٹ ‘قومی ٹیم کیلئے ٹرائلز آج کراچی میں ہونگے
لاہور(سپورٹس رپورٹر)پاکستان ہاکی فیڈریشن کے زیر اہتمام سلطان اذلان شاہ ہاکی کپ ملائشیا میں شرکت کیلئے قومی ہاکی ٹیم کے ٹرائلز پی ایچ ایف سلیکشن کمیٹی کے زیر نگرانی 17 اکتوبر دوپہر 3 بجے عبدالستار ایدھی ہاکی سٹیڈیم کراچی میں ہونگے۔ پی ایچ ایف صدر بریگیڈیئر ر خالد سجاد کھوکھر‘ سیکرٹری جنرل حیدر حسین‘ چیئرمین سلیکشن کمیٹی اولمپیئن کلیم اللہ خان‘ ممبران اولمپیئن ناصر علی‘ اولمپیئن رحیم خان‘ اولمپیئن شکیل عباسی‘ انٹرنیشنل لئیق احمد لاشاری بھی موجود ہونگے۔ کیمپ میں کھلاڑیوں نے سینئر ٹیم مینجمنٹ کی زیر نگرانی ٹریننگ میں حصہ لیا۔سلطان اذلان شاہ ہاکی کپ ایپوہ ، ملائشیا میں یکم تا 10 نومبر کھیلا جائیگا۔
