لاہور(نمائند ہ خصوصی)قائم مقام صدر پیپلز پارٹی وسطی پنجاب رانا فاروق سعید کی زیر صدارت پیپلز پارٹی لاہور کے ضلعی عہدیداروں کا اجلاس وسطی پنجاب سیکرٹریٹ میں ہوا جس میں فیصل میر،رانا جواد،رانا جمیل منج،علامہ۔یوسف اعوان،نرگس خان،آصف ناگرہ،اسلم گڑا،یاسر بارا،سونیا خاںاور دیگر شریک تھے ۔ اجلاس میں علامہ یوسف اعوان نے بے نظیر بھٹو اور سانحہ کار ساز کے شہدا کیلئے خصوصی دعا کرائی۔
سیلاب زدہ علاقوں میں سروے ،کورٹ کیسز کے حوالے سے اجلاس 
لاہور(سپیشل رپورٹر)سینئر ممبر بورڈ آف ریونیو/ریلیف کمشنر پنجاب کی زیر صدارت سیلاب زدہ علاقوں میں جاری سروے اور کورٹ کیسز کے حوالے سے اجلاس منعقد ہوئے ،اجلاس میں سیکرٹری زراعت، ڈی جی پی ڈی ایم اے، ڈی جی زراعت سمیت دیگر افسران نے شرکت کی ۔ ڈی جی پی ڈی ایم اے فیصل فرید نے جاری سروے کے حوالے سے اجلاس میں بریفنگ دیتے ہوئے کہا کہ ضلع ڈی جی خان اور راجن پور کی چار تحصیلوں میں سروے کے عمل کو مکمل کر لیا گیا ہے۔

 ضلع میانوالی کی تحصیل عیسی خیل میں بھی سیلاب سے ہونے والے نقصانات کا سروے مکمل ہو چکا ہے ۔