قصور (نمائندہ نوائے وقت) ڈسٹرکٹ ایمرجنسی آفیسر انجینئر سلطان محمود نے میڈیا سے گفتگو کرتے ہوئے بتایا سنٹرل آفس ریسکیو 1122 قصور میں کمیونٹی ایمرجنسی ریسپانس ٹیمز (CERT) کے درمیان مقابلوں کا انعقاد کیا گیا جس میں قصور پتوکی کوٹ رادھاکشن چونیاں پھولنگر کھڈیاں اور مصطفی آباد سے کل 9 ٹیموں نے شرکت کی مقابلوں میں سی پی آر فرسٹ ایڈ سرچ اینڈ ریسکیو ٹیکنیک واٹر ریسکیو فائر ایمرجنسی جیسی مہارتوں کا امتحان لیا گیا سخت مقابلے کے بعد کھڈیاں ٹیم نے پہلی پوزیشن حاصل کر کے دسمبر میں ہونے والے چھٹے نیشنل مقابلے میں ضلع قصور کی نمائندگی کے لیے کوالیفائی کر لیا ،پتوکی ٹیم دوسری پوزیشن اور چونیاں ٹیم تیسری پوزیشن حاصل کرنے میں کامیاب رہیں۔