لاہور (سپورٹس رپورٹر)پاکستانی کرکٹرز بنگلہ دیش پریمیئر لیگ میں ایکشن میں ہوں گے۔ذرائع کے مطابق بنگلہ دیش پریمیئر لیگ کے قومی ٹیم کے موجودہ سکواڈ کے کئی کھلاڑیوں کےساتھ رابطے ہیں جن میںشاہین آفریدی، حارث رﺅف، محمد نواز، وسیم جونیئر اور شاہنواز دھانی شامل ہیں جبکہ چند میچز کی دستیابی کیلئے کپتان بابراعظم سے بھی رابطہ کیا گیا ہے۔ پاکستان نیوزی لینڈ ون ڈے سیریز 15جنوری کو اختتام پزیر ہو گی، قومی کرکٹرز کو پاکستان کرکٹ بورڈ سے این او سی کے حصول میں مشکل نہیں ہوگی، پی ایس ایل تک کوئی انٹرنیشنل سیریز نہ ہونے کی وجہ سے پی سی بی کرکٹرز کو این او سی دے دے گا۔ آئندہ برس جنوری میں ویسٹ انڈیز کےخلاف ٹی ٹونٹی سیریز ملتوی کرنے کا فیصلہ کیا جا چکا ہے جو دونوں بورڈز نے باہمی رضامندی سے کیا، تین ٹی ٹونٹی میچز کی سیریز اب 2024میں ٹیسٹ سیریز کے ساتھ کھیلی جائے گی۔