لاہور(نامہ نگار)شاہدرہ مےں ڈولفن اہلکاروں نے ون فائیو کی کال پرکارروائی کرتے ہوئے اےک ڈاکو گرفتار کرکے متعلقہ تھانے کی پولیس کے حوالے کر دیا ہے۔ ترجمان ڈولفن سکواڈ کے مطابق ڈولفن کو کال موصول ہوئی کہ 2 موٹر سائیکل سوار گن پوائنٹ پر واردات کرکے فرار ہیں۔ اس دوران ڈولفن ٹیم نے دوران پٹرولنگ 2 مشکوک موٹر سائیکل سواروں کو رکنے کا اشارہ کیا، توملزمان کی چکمہ دے کر فرار ہونے کی کوشش کی ،ڈولفن ٹیم نے تعاقب کے بعد اےک ملزم کو گرفتار کرکے چھینے گئے 70ہزار روپے اور اسلحہ برآمد کر لیاجبکہ اس کا ساتھی فرار ہونے میں کامیاب ہو گیا۔ ڈولفن سکواڈ نے ملزم عرفان کو تھانہ شاہدرہ کے حوالے کردیاہے۔
 شیشہ کیفے پر چھاپہ‘ 6 ملزم گرفتار
لاہور(نامہ نگار)غالب مارکیٹ پولیس نے شیشہ کیفے پر چھاپہ مار کر 6 ملزمان کو گرفتارکر لےا ہے ۔ کیفے کی آڑ میں چلنے والے شیشہ کیفے پر چھاپہ مار کرمنےجر اویس، رضوان، نوران، شہزیب، ولیم اور وکی کو گرفتار کر کے 14 حقے، شیشہ فلیور، کوئلے اور چلم برآمد کر کے مقدمہ درج کر لیاہے۔
24گھنٹے میں 1012ٹریفک حادثات‘6افراد جاں بحق‘1034زخمی 
لاہور(نامہ نگار)صوبہ بھرمیں گذ شتہ 24گھنٹوں کے دوران 1012ٹریفک حادثات میں 6افراد جاں بحق جبکہ1034زخمی ہوئے۔ ہےں ۔ حادثات مےں 530ڈرائیوز،34کم عمرڈرائیور،388مسافراور122پیدل چلنے والے افراد متاثر ہوئے۔ صوبائی دارالحکومت لاہور281متاثرین کےساتھ پہلے ،ملتان78 حادثات میں 82متاثرین کےساتھ دوسرے، فیصل آباد60حادثات میں 58متاثرین کےساتھ تیسرے نمبرپررہا۔ کل1040متاثرین میں 864مرد اور176خواتین شامل جبکہ زخمی ہونےوالوں میں 214افراد کی اوسط عمر18سال سے کم اور507افراد کی اوسط عمر 18سے 40سال کے درمیان ہے۔