لاہور(سپورٹس رپورٹر)پاکستان جونیئر لیگ کے دوسرے کوالیفائر میچ میں بہاولپور رائلز نے مردان وارئیرز کو نو وکٹوں سے مات دے کر فائنل میں جگہ بنا لی ہے۔ پی جے ایل کے فائنل میں بہاولپور کا ٹاکرا گوادر شارکس سے ہوگا۔ بہاولپور رائلز کا ٹاس جیت کر پہلے باولنگ کا فیصلہ درست ثابت ہوا۔ وارئیرز 9 وکٹوں پرصرف 132 رنز بنا سکی۔ شاہزیب خان 32 سکور کےساتھ نمایاں رہے۔ محمد فاروق نے 24، داو¿د نذر 23، جارج تھامس 17، اور اولی کوکس نے 10 رنز بنائے۔ مردان کے 5 بلے باز ڈبل فگرز میں داخل نہ ہوسکے۔ ارحم نواب، محمد ذیشان اورعبید شاہد نے2،2 جبکہ سجاد علی نے ایک وکٹ حاصل کی۔ بہاولپور رائلز کے باسط علی نے 91 رنز کی ناقابلِ شکست اننگز کھیل کر ٹیم کو کامیابی سے ہمکنار کیا۔ باسط علی کو میچ کا بہترین کھلاڑی قرار دیاگیا۔ بہاولپور رائلز ہدف14.5 اوورز میں ایک وکٹ پر پورا کر کے فائنل میں پہنچ گئی ۔پاکستان جونیئر لیگ کا فائنل گوادر شارکس اور بہاولپور رائلز کے مابین آج شام 7 بجے کھیلا جائےگا۔