کراچی (اسپورٹس رپورٹر)انٹرنیشنل کرکٹ کونسل ٹی20 ورلڈ کپ کا پہلا مرحلہ مکمل ہوگیا، زمبابوے اور آئرلینڈ نے ایونٹ کی فائنل 12 ٹیموں میں جگہ بنالی ہے۔پہلے مرحلے کے بعد فائنل 12 میں جگہ بنانے والی 4 ٹیموں میں سری لنکا، زمبابوے، نیدرلینڈز اور آئرلینڈ شامل ہیں۔گروپ 1 جس میں آسٹریلیا، نیوزی لینڈ، انگلینڈ اور افغانستان جیسی مضبوط ٹیمیں ہیں، اس کا حصہ سری لنکا اور آئرلینڈ بن گیا ہے۔گروپ 2 جس میں پاکستان، بھارت، جنوبی افریقہ اور بنگلہ دیش جیسی بڑی ٹیمیں شامل ہیں، اس کا حصہ زمبابوے اور نیدرلینڈز بنے ہیں۔