لاہور (نمائند ہ خصوصی) لاہور کے مختلف علاقوں میں متعدد وارداتوں میں شہری لاکھوں روپے مالیت کی نقدی، طلائی زیورات اور دیگر قیمتی اشیاء سے محروم ہوگئے۔ ذرائع  کے مطابق لاری اڈہ سے ڈاکو تاجر جمیل سے 7 لاکھ مالیت کی نقدی و دیگر سامان لوٹ کر لے گئے۔ ہنجروال کے علاقہ میں ڈاکو شہری اعجاز سے 4 لاکھ روپے مالیت کی نقدی اور دیگر سامان، شمالی چھائونی کے علاقہ میں عابد  کے گھر سے 4 لاکھ روپے مالیت کا سامان، شاہدرہ کے علاقہ میں ارسلان  کے اہلخانہ سے 3 لاکھ روپے مالیت کا سامان، چوہنگ کے علاقہ میں  اکرم کے گھر سے 7 لاکھ روپے مالیت کا سامان، اقبال ٹائون کے علاقہ میں سلیم  کے اہلخانہ سے 5 لاکھ روپے مالیت کا سامان، نواب ٹائون میں جمیل کے گھر سے 4 لاکھ روپے مالیت کا سامان، راوی روڈ کے علاقہ میں نذیر سے 4 لاکھ روپے مالیت کا سامان، گلبرگ میں ذوہیب سے 3 روپے مالیت کا موبائل اور نقدی جبکہ جوہر ٹائون کے علاقہ میں ماجد سے 2 لاکھ روپے مالیت کا سامان چھین لیا گیا۔ ڈیفنس، لاری اڈا، شادمان، نشتر کالونی اور برکی سے گاڑیاں جبکہ وحدت کالونی، ماڈل ٹائون، چوہنگ، نواب ٹاؤن، گلشن اقبال، مصطفی آباد، غالب مارکیٹ اور گارڈن ٹائون سے موٹر سائیکلیں چوری ہوگئیں۔