لاہور(نیوز رپورٹر) کنگ ایڈورڈ میڈیکل یونیورسٹی کے زیر اہتمام مرحوم پروفیسر ممتاز حسن کی یاد میں تعزیتی ریفرنس کا انعقاد کیا گیا جو کہ 15 اکتوبر 2022 کو اپنے خالق حقیقی سے جا ملے۔پروفیسر ممتاز حسن 16 ستمبر 1946 کو لاہور میں پیدا ہوئے۔ آپ نے 1968 میں کنگ ایڈورڈ میڈیکل کالج سے گریجویشن کی اور اعلیٰ تعلیم کیلئے بیرون ملک چلے گئے۔ زمانہ طالبعلمی میں کنگ ایڈورڈ میڈیکل کالج کے بیسٹ آل راونڈ گریجویٹ، سربراہ شعبہ میڈیسن پھر پرنسپل اور وائس چانسلر کنگ ایڈورڈ میڈیکل یونیورسٹی رہے۔ملک اور بیرون ملک سولہ سے زائد میڈل حاصل کیے۔