لاہور ( سپیشل رپورٹر ) یونیک گروپ آف انسٹی ٹیوشنز کی طالبات نے بین المکاتب نعتیہ مقابلہ میں پہلی دو پوزیشنز حاصل کر لیں۔ شریف ایجوکیشن کمپلیکس کے زیر اہتمام ہونےوالے بین المکاتب نعتیہ مقابلہ میں یونیک گروپ،ای ایم ای کیمپس کی سیدہ قدسیہ نے اول جبکہ یونیک ،109اے نیو مسلم ٹاﺅن کیمپس کی عین النور نے دوسری پوزیشن حاصل کی۔ دونوں پوزیشنز حاصل کرنےوالی طالبات کو مبارک باد دیتے ہوئے چیئرمین یونیک گروپ آف انسٹی ٹیوشنز پروفیسر عبدالمنان خرم نے کہا کہ مقابلہ جات میں شرکت کرنا اور اپنی محنت سے انعامات حاصل کرنا یونیک گروپ کی شاندار روایت ہے۔ انہوں نے اس امید کا اظہار کیا کہ مقابلے میں حصہ لینے والے یونیک گروپ کے دیگر طلبا آئندہ اپنی خامیوں پر قابو پا کر مستقبل میں ہونےوالے مقابلہ جات میں پوزیشن حاصل کرنے میں کامیاب ہو سکیں گے۔